ՍՊՈՐՏԱՅԻՆ ԱԿՈՒՄԲԻ ԱՆԴԱՄՈՒԹՅԱՆ ԿԱՆՈՆՆԵՐ

1.            Ակումբի անդամը ակումբ մուտք գործելիս ակումբի մուտքի մոտ պարտավոր է հագնել միանգամյա օգտագործման բախիլներ։

2.            Ակումբի անդամը Ակումբում պետք է գտնվի իր փաթեթին համապատասխանող ժամերին և մարզվի այն սրահներում, որը նախատեսված է իր փաթեթի համար։

3.            Անվտանգության և առողջական խնդիրներից խուսափելու նպատակով Ակումբի անդամը պարտավոր է անցնել հատուկ հրահանգավորում, առողջական խնդիրների, հիվանդությունների առկայության պարագայում մինչ մարզումներ սկսելը խորհրդակցել մարզիչի հետ և հետևել նրա հրահանգներին, հրահանգներին չհետևելու դեպքում հաշվի առնել, որ Ակումբը և նրա աշխատակիցները պատասխանատվություն չեն կրում Ակումբի անդամի առողջական վիճակի վատթարացման համար։

4.            Ակումբում Ծառայությունից օգտվելու պահին, եթե Ակումբի անդամը նկատում է իր առողջական վիճակի վատթարացում, անմիջապես պետք է դադարեցնի Ծառայությունից օգտվելը և դիմի մարզիչին կամ Ակումբի որևէ աշխատողի:

5.            Ակումբում Ծառայությունից օգտվելու պահին, եթե Ակումբի անդամը նկատում է, որ վատթարացել է մեկ այլ Ակումբի անդամի  առողջական վիճակը և վերջինս ի վիճակի չէ ինքնուրույն տեղեկացնել աշխատողներից որևէ մեկին, Ակումբի անդամը պարտավոր է դադարեցնել Ծառայությունից օգտվելը և փաստի վերաբերյալ տեղեկացնել Ակումբի որևէ աշխատողի:

6.            Ակումբի անդամն Ակումբում գտնվելու ամբողջ ընթացքում պատասխանատվություն է կրում իր անձնական իրերի անվտանգության/ապահովության համար: Ակումբը պատասխանատվություն չի կրում Ակումբի անդամի անձնական իրերի կորստի կամ վնասվելու դեպքում:

7.            Արգելվում է օտարել մուտքի համար նախատեսված Անցագիրը: Անցագիրը կորցնելու կամ վնասելու դեպքում Ակումբի անդամն անհապաղ տեղեկացնում է Ակումբին: Էլեկտրոնային անցագրի վերաթողարկման համար Ակումբը գանձում է լրացուցիչ վճար 15.000 ՀՀ դրամի չափով: Էլեկտրոնային անցագրի բացակայության դեպքում՝ Ակումբի անդամը պարտավոր է ներկայացնել անձը հաստատող որևէ փաստաթուղթ։ 

8.            Արգելվում է մուտք գործել Ակումբ, եթե էլեկտրոնային անցագրում Ակումբի անդամի մատնահետքը չի համապատասխանում այցելուի մատնահետքի հետ:

9.            Արգելվում է մարզման ժամանակ կրել տվյալ գոտուն ոչ համապատասխան մարզազգեստ: Բացառությամբ լողավազանային գոտու Ակումբի անդամն Ակումբի տարածքում պարտավոր է կրել փակ սպորտային կոշիկներ: Մերկ մարմնով մարզումներն այդ գոտիներում արգելվում են: Լողավազանային գոտում պարտադիր է կրել խոնավ/թաց տարածքի համար նախատեսված կոշիկ: Արգելվում է այցելել Ակումբ առանց փոխնորդ կոշիկների:

10.          Արգելվում է մարզման ժամանակ որևէ կերպ խանգարել երրորդ անձանց, բարձրաձայն խոսել, վիճաբանել, կռվել: Ակումբի անդամը պարտավոր է նվազագույնի հասցնել Ակումբում բջջային հեռախոսով խոսելը, բացառություն են կազմում այն վայրերը, որտեղ չեն իրականացվում մարզումներ կամ մերսումներ:

11.          Ակումբի անդամը պարտավոր է դրսևորել պատշաճ վարքագիծ, պահպանել Ակումբի կարգապահական կանոնները՝ չվիրավորել Ակումբի մյուս անդամին, հյուրերին, Ակումբի աշխատողներին, չարտահայտվել անհարիր, կոպիտ բառերով և ձևով, չստեղծել կոնֆլիկտային իրավիճակներ և չխոչընդոտել Ակումբի բնականոն աշխատանքը: Բողոքներ և դժգոհություններ ունենալու դեպքում դրանք ընկերությանը ներկայացնել գրավոր ձևով հնարավորություն տալով ընկերությանը ծանոթանալ բողոքին և հիմնավորված լինելու պարագայում համապատասխան միջոցներ ձեռնարկել բողոքի համար հիմք հանդիսացող հանգամանքները վերացնելու կամ շտկելու համար։

12.          Արգելվում է այցելել Ակումբ ոչ սթափ վիճակում, Ակումբում ծխելը, այդ թվում՝ ծխելու համար նախատեսված էլեկտրոնային սարքեր, ալկոհոլ, թմրանյութ, մաստակ օգտագործելը կամ որևէ տեսակի կենդանի բերելը։

13.          Ակումբի անդամը պարտավոր է պահպանել հիգիենայի բոլոր կանոնները և խուսափել սուր բուրմունքով օծանելիք/նյութեր օգտագործելուց:

14.          Ակումբի որևէ սարքավորում/գույք օգտագործելիս Ակումբի անդամն այն պետք է օգտագործի դրա նպատակային նշանակությանը համապատասխան: Ակումբի անդամը պարտավոր է Ակումբի սարքավորումներից օգտվելուց հետո սրբել սարքավորումը և պահպանել մաքրության ընդհանուր նորմերը:

15.          Ակումբի անդամը պարտավոր է Ակումբի տարածքը ֆիզիկապես լքելուց առաջ ազատել անձնական պահարանը: Այն դեպքում, երբ Ակումբի անդամը չի ազատել անձնական պահարանը Ակումբը լքելիս, Ակումբն իրավունք ունի ինքնուրույն դատարկել անձնական պահարանը:

16.          Արգելվում է Ակումբում օգտագործել այլ վայրից բերված սնունդ և խմիչք:

17.          Արգելվում է Ակումբի անդամի կողմից Ակումբում որևէ տեսակի ապրանքների կամ ծառայությունների վաճառքը, գովազդելը, եթե այն չի իրականացվում Ակումբի հետ համապատասխան պայմանագրի հիման վրա:

18.          Ակումբում մարզվելու ժամանակ Ակումբի անդամը պետք է օգտագործի բացառապես Ակումբի սարքավորումները:

19.          Արգելվում է Ակումբ այցելել զենքով: Եթե Ակումբի անդամին ուղեկցում է անվտանգության աշխատակից, ապա այդ աշխատակցին արգելվում է մտնել Ակումբ:

20.          Ակումբը կարող է ժամանակավորապես սահմանափակել Ակումբի որոշ հատվածների շահագործումը` սանիտարական և այլ միջոցառումներ, գովազդային ակցիաներ իրականացնելու, ինչպես նաև տեխնիկական անսարքությունների վերացման աշխատանքներ կատարելու դեպքում, ինչը Ակումբի անդամի կողմից չի կարող մեկնաբանվել որպես ծառայությունների ոչ պատշաճ մատուցում։

21.          ՀՀ օրենսդրության պահանջներն ապահովելու նպատակով Ակումբում շինարարական/վերականգնման աշխատանքների առկայության դեպքում աշխատանքների անցկացման գոտում ժամանակավորապես չի կարող մատուցվել Ծառայություն: Ակումբը Ծառայությունը կմատուցի այդ աշխատանքների ավարտից հետո:

22.          Արգելվում է առանց Ակումբի գրավոր համաձայնության Ակումբում տեսա-լուսանկարահանում կատարելը:

23.          Ակումբն իրավունք է վերապահում Ակումբի անդամի համաձայնության դեպքում օգտագործել Ակումբի անդամի ցանկացած անհատական կամ խմբակային լուսանկար կամ տեսանյութ մամուլում կամ գովազդային նյութերում օգտագործելու նպատակներով։

24.          Արգելվում է որևէ տեխնիկական միջամտություն Ակումբի որևէ սարքավորման նկատմամբ: Սարքավորման աշխատանքի խափանման դեպքում Ակումբի անդամը տեղեկացնում է Ակումբին:

25.          Ակումբ հաճախելիս կոսմետիկ միջոցների և զարդերի օգտագործումը արգելվում է:

26.          Մարզահամալիրի աշխատանքային ժամերը սահմանվում են Ակումբի կողմից և կարող են փոփոխության ենթարկվել ցանկացած ժամանակ:

27.          Ակումբն իրավունք ունի իր հայեցողությամբ և ըստ անհրաժեշտության լրացնելու, կրճատելու կամ փոփոխելու ցանկացած ծրագիր, սարքավորում, կահավորանք կամ այլ գույք:

28.          Ակումբի անդամը պարտավոր է չաղտոտել Ակումբը կամ Ակումբի որևէ հատվածը:

29.          Լողավազանը, ջրային աերոբիկայի լողավազանը և առողջարարական տարածքը փակվում են Ակումբի փակման ժամից մեկ ժամ շուտ, այսինքն՝ Ակումբի անդամը ջրային տարածքների ծառայություններից կարող է օգտվել մինչև ժամը 23։00-ն,  նկատի ունենալով, որ պետք է լքի ջրային տարածքը ոչ ուշ քան ժամը 23։30-ին։

30.          Ակումբի ավտոկայանատեղին կարող է գործածվել միայն Ակումբի անդամների, հյուրերի և այցելուների կողմից նրանց՝ Ակումբի տարածքում գտնվելու ընթացքում: Մեքենաները չեն կարող մնալ ավտոկայանատեղիում այլ դեպքերում:

31.          Ակումբի անդամը պարտավոր է կարդալ առողջության և անվտանգության զգուշացումները փակցված յուրաքանչյուր սարքավորման և տարածքների պատերի վրա, և պարտավոր է հետևել տրված խորհուրդներին: Ակումբի անդամը պարտավոր է հետևել Ակումբի անձնակազմի անդամների կողմից տրված առողջության և անվտանգության վերաբերյալ ցանկացած խորհրդի:

32.          Ակումբի տարածքում գործող մարզական հագուստի և այլ պարագաների վաճառք իրականցնող խանութից գնումներ կատարելիս Ակումբի անդամը պետք է նկատի ունենա, որ գնված ապրանքը կարող է 14 օրվա ընթացքում վերադարձնել կամ փոխարինել այլ ապրանքով եթե նշված ապրանքը չի օգտագործվել, պահպանված են դրա ապրանքատեսքը, սպառողական հատկանիշները, կապարակնիքները, ապրանքային պիտակները, ինչպես նաև սպառողին տրված վճարման փաստը հավաստող փաստաթուղթը կամ այլ հաշվարկային փաստաթուղթ, և առկա են ապրանքը հենց այդ վաճառողից ձեռք բերելու մասին ապացույցներ: Վերադարձման ենթակա չեն այն ապրանքները, որնք նախատեսված են «Սպառողների իրավունքների պաշտպանության մասին» ՀՀ օրենքի 23-րդ հոդվածի 2-րդ կետով։

33.          Ակումբի անդամը պարտավոր է վարսահարդարիչն /ֆեն/ օգտագործել բացառապես մազերը չորացնելու նպատակով։

ՄԱՐԶԱՍՐԱՀՆԵՐԻՑ ՕԳՏՎԵԼՈՒ ԿԱՆՈՆՆԵՐ

34.          Ակումբի անդամը պարտավոր է ցանկացած անծանոթ սարքավորումից օգտվելուց առաջ խորհրդակցել մարզիչ-խորհրդատուի հետ։

35.          Մարզագնդերով և այլ ուժային սարքավորումներով մարզումներից հետո Ակումբի անդամը պարտավոր է գույքը տեղավորել տվյալ գույքի համար նախատեսված վայր:

36.          Ակումբի գերզբաղվածության դեպքում ուժային սարքավորումները չի թույլատրվում օգտագործել 5 րոպեից ավելի։

37.          Ակումբի անդամը պարտավոր է ժամանել Ակումբ անհատական մարզումից կամ ծանոթացման դասընթացից 15 րոպե առաջ։ Ակումբն իրավունք ունի չվերամրագրել պայմանավորվածությունը, եթե Ակումբի անդամն ամսվա մեջ երկու անգամից ավելի չեղարկում է կամ չի ներկայանում պայմանավորված ժամին։ Եթե Ակումբի անդամը չի կարող ներկայանալ պայմանավորված ժամին, ապա պարտավոր է 4 ժամ առաջ տեղեկացնել Ակումբի համապատասխան անձնակազմին չներկայանալու մասին։

38.          Խմբակային մարզումներն անցկացվում են հաստատված ժամանակացույցով: Ակումբն իրավունք ունի փոխելու ժամանակացույցում նշված մարզման ժամը և ձևաչափը: Խմբակային մարզումներից ուշացման դեպքում մարզիչն իրավունք ունի չթույլատրելու Ակումբի անդամին մասնակցելու մարզմանը: Արգելվում է խմբակային մարզումների ժամանակ կիրառել սեփական տեխնիկան և սարքավորումները՝ առանց մարզչի թույլտվության:

39.          Ակումբի անդամը պետք է հաշվի առնի, որ ալկոհոլ օգտագործելուց՝ հետո 72 ժամ, արգելվում է օգտվել մարզասրահի ծառայություններից և այս կանոնը չպահպանելու դեպքում կարող է մարզվելիս ունենալ վատ ինքնազգացողություն, որի համար Ակումբը պատասխանատվություն չի կրում։

40.          Մարզասրահներում սահմանվում և պահպանվում է 21-22ՕC ջերմաստիճան և Ակումբի անդամը իրավունք չունի պահանջել փոփոխել ջերմաստիճանը։

41.          Ակումբի անդամը պարտավոր է մարզասրահ այցելելիս իր հետ ունենալ փոքր սրբիչ և հիգիենայի կանոնների պահպանման նկատառումներից ելնելով մարզասարքերից օգտվելիս մարզասարքի վրա՝ մեջքի հատվածում տեղադրել սրբիչը, օգտվել համապատասխան հակաբակտերիալ նյութերից, որոնք տեղադրված են մարզասրահում։

42.          Ակումբը չի երաշխավորում, որ Ակումբի անդամը մարզվելու արդյունքում ձեռք կբերի կատարյալ առողջություն։

ԱՌՈՂՋԱՐԱՐԱԿԱՆ ՏԱՐԱԾՔԻՑ ՕԳՏՎԵԼՈՒ ԿԱՆՈՆՆԵՐ

43.          Արգելվում է Ակումբի շոգեբաղնիքից օգտվելու դեպքում քարերի, վառարանի, նստատեղի վրա լցնել հեղուկ, անուշաբույր յուղեր և այլ միջոցներ, խստիվ արգելվում է նաև յուղեր կամ քսուքներ օգտագործելը, հագուստ չորացնելը:

44.          Շոգեբաղնիքից օգտվելուց առաջ և հետո պետք է ցնցուղ ընդունել։ Շոգեբաղնիքներից թույլատրվում է օգտվել առավելագույնը 15 րոպե:

45.          Ֆինական շոգեբաղնիքից օգտվելիս՝ նստելու դեպքում նստատեղի վրա դնել սպիտակ գույնի սրբիչ, որը Ակումբի անդամը կարող է վարձակալել Ակումբից կամ բերել իր հետ։

ԼՈՂԱՎԱԶԱՆԻՑ ՕԳՏՎԵԼՈՒ ԿԱՆՈՆՆԵՐ

46.          Նախքան լողավազանից օգտվելը պետք է ընդունել ցնցուղ: Լողավազան մտնելուց առաջ արգելվում է օգտագործել մաշկի քսուկներ:

47.          Լողուղյակների վրա չի թույլատրվում կանգնել կամ նստել: Լողուղյակում լողալիս պետք է պահպանել լողի աջակողմյան ուղղություն։

48.          Երկար մազեր (3 սմ-ից երկար) ունեցողները պետք է օգտագործեն լողի գլխարկներ:

49.          Լողավազանից օգտվելիս պետք է հետևել փրկարարների հրահանգներին:

50.          Արգելվում է Լողավազանային գոտում թռչել կողային հատվածներից, կիրառել լողի սպորտային ոճեր, եթե մոտակա հատվածում լողավազանից օգտվում են Ակումբի այլ անդամներ:

51.          Չի թույլատրվում լողավազանում օգտագործել փչովի օղակներ, գնդակներ, բաճկոններ, բացի Ակումբի կողմից տրամադրվածներից և փրկարարական բաճկոններից։ Չի թույլատրվում գլուխը սուզել հիդրոմերսող ջրավազաններում:

52.          Լողավազանի տարածքում կարելի է գտնվել միայն լողավազանի համար նախատեսված հողաթափերով, արգելվում է լողավազանի հողաթափերով դուրս գալ լողավազանի տարածքից կամ լողավազանի տարածք մուտք գործել լողավազանի համար չնախատեսված հողաթափերով, ընդ որում՝ լողավազանի համար նախատեսված հողաթափերը պետք է լինեն ռետինից, արգելվում է նաև լողավազանի տարածքում քայլել ոտաբոբիկ և հետո կեղտոտ ոտքերով մտնել լողավազան։

53.          Արգելվում է լաստերով քայլել լողավազանի տարածքում, եթե օգտվում են լաստերից, ապա լաստերը հագնելուց հետո պետք է անմիջապես մտնել լողավազան, իսկ լողավազանից դուրս գալուց հետո անմիջապես հանել լաստերը, որպեսզի ջուրը չկեղտոտվի։

54.          Ջրացատկից կարելի օգտվել միայն ջրացատկի համար նախատեսված ժամերին։

55.          Լողավազանի տարածքում միաժամանակ կարող է գտնվել 180-200 Ակումբի անդամ, նշված քանակը գերազանցելու դեպքում ընկերության աշխատակիցները կարող են արգելել այլ անդամների մուտքը։

56.          2 ամիսը մեկ անգամ նախապես ընտրված կիրակի օրը համարվում է լողավազանի սանիտարական օր և այդ օրը լողավազանը չի գործում, որի մասին Ակումբի անդամները տեղեկացվում են էլեկտրոնային փոստի միջոցով և համարվում են պատշաճ ծանուցված։

57.          Լողավազանից օգտվելիս պետք է հաշվի առնել, որ լողավազանի ծայրամասային գոտիները նախատեսված են սկսնակ և դանդաղ լողացող լողորդների համար։

ՀՅՈՒՐԸՆԿԱԼՈՒԹՅԱՆ ԿԱՆՈՆՆԵՐ

58.          Ակումբի անդամը պարտավոր է ուղեկցել իր հյուրին հյուրընկալության ամբողջ ընթացքում և պատասխանատվություն է կրում հյուրի վարքի համար, որը նույնական է Ակումբի անդամի վարքի հետ՝ Ակումբում գտնվելիս։ Ակումբի անդամը չպետք է լքի Ակումբը՝ իր հյուրի Ակումբում գտնվելու ընթացքում։ Ակումբի անդամը պատասխանատվություն է կրում իր հյուրին սույն Կանոններին ծանոթացնելու և հետևելու համար։

59.          Միևնունը անձը հյուրի կարգավիճակով կարող է հյուընկալել միայն մեկ անգամ։

ԵՐԵԽԱՆԵՐԻ ԱՆԴԱՄԱԿՑՈՒԹՅԱՆ ԿԱՆՈՆՆԵՐ

60.          14 տարին չլրացած անչափահասների` Ակումբում ինքնուրույն գտնվելն արգելվում է: 3-14 տարեկան անձինք կարող են այցելել Ակումբ բացառապես անձնական մարզչի կամ ծնողներից մեկի կամ որդեգրողի կամ խնամակալի ուղեկցությամբ և նրանց փոխարեն սույն պայամանագրի հիման վրա պատասխանատվություն են կրում ծնողը, որդեգրողը կամ խնամակալը։

61.          Ակումբի միայն որոշ սրահներ են առաջարկում երեխաների համար անդամակցություն: Այդ իսկ պատճառով, երեխաներին վերաբերվող կանոնները վերաբերվում են միայն այդ սրահներին:

62.          Ակումբի անչափահաս անդամները օգտվում են իրենց սեռին համապատասխան հանդերձարանից Սույն կանոնից բացառություն է նախատեսվում մինչև 7 տարեկան այն երեխաների համար, որոնք տառապում են աուտիզմով և մտավոր հիվանդություններով, նման երեխաները կարող են օգտվել իրենց ուղեկցող ծնողի սեռին համապատասխանող հանդերձարանից։

63.          Ակումբի անդամ 16 տարեկանից փոքր երեխաներին չի թույլատրվում օգտվել ՍՊԱ սրահի, շոգեբաղնիքների և հիդրոմերսող ջրավազանի ծառայություններից:

64.          Լողավազաններ նախատեսված են տարբեր տարիքի երեխաների համար։ Երեխաները կարող են օգտվել լողավազանից միայն Ակումբի կողմից հատկացված ժամերի ընթացքում կնքված պայմանագրին համապատասխան: Դրանք ժամանակ առ ժամանակ կարող են փոփոխվել:

65.          Մեծահասակները պատասխանատվություն են կրում երեխաների հսկողության համար լողավազանում և մարզասրահում գտնվելու ամբողջ ընթացքում: Մեծահասակները կարող են  երեխաներին լողավազանում առանց հսկողության թողնել միայն խմբակային լողի ժամերին։ Նման դեպքերում մեծահասակները կարող են օգտվել Ակումբի այլ ծառայություններից, բայց չեն կարող լքել Ակումբի տարածքը թողնելով երեխաներին առանց հսկողության, հակառակ դեպքում՝ Ակումբն իրավունք ունի ծնողի նկատմամբ կիրառել տուգանք կամ միակողմանի լուծել պայմանագիրը։

66.          Ակումբի անդամ 3-14 տարեկան երեխաները կարող են մասնակցել Born-to-Move ծրագրին և Ակումբի մանկական այլ  ծրագրերին:

67.          3-14 տարեկան անչափահասներին արգելվում է օգտվել կարդիո և ուժային մարզասրահներից, նույնիսկ ծնողների հսկողության ներքո, բացառությամբ անհատական մարզիչի ծառայությունից օգտվելու դեպքերի։

68.          Ակումբի անդամի 2-5 տարեկան երեխայի հետ Ակումբ այցելելու դեպքում Ակումբի անդամի Ակումբի ծառայություններից օգտվելու ընթացքում երեխան կարող է օգտվել մանկական սենյակի ծառայություններից, ընդ որում՝ բացառապես համապատասխան աշխատակցի հսկողության ներքո և 2 ժամից ոչ ավելի:

 

69․          Ակումբի յուրաքանչյուր անդամ ակումբի կանոնների համաձայն պարտավոր է հանձնել մատնահետք և լուսանկարվել ընդունարանում (տվյալ նախապայմանը չկատարելու դեպքում անձը չի կարող դառնալ ակումբի անդամ)։

 

ԾԱՆՈՒՑՈՒՄ՝  սույն կանոնները չպահպանելու դեպքում կկիրառվի պայմանագրով սահմանված տուգանքները։